Мы, прадстаўнікі беларускіх дэмакратычных сілаў, канстатуем, што нашая краіна сутыкнулася з гістарычным dыклікам – пагрозай далейшага існавання незалежнай і суверэннай дзяржавы Рэспубліка Беларусь.
У Беларусі адсутнічаюць легітымныя органы ўлады, дзяржава і яе інстытуты захопленыя злачыннай групай – прарасійскім рэжымам Лукашэнкі.
Супраць грамадзянаў Беларусі рэжымам Лукашэнкі шляхам злоўжывання ўладай праводзіцца палітыка сістэматычных масавых рэпрэсій. Праводзіцца палітыка мэтанакіраванага знішчэння беларускай
нацыянальнай ідэнтычнасці і самасвядомасці (этнацыд). Нашая краіна паступова паглынаецца Расійскай Федэрацыяй, на карысць якой рэжым Лукашэнкі здае беларускі суверэнітэт.
Мы, дэмакратычныя сілы, бачым іншую будучыню для нашай краіны – незалежную, дэмакратычную Беларусь, як нацыянальную дзяржаву і будучага сябра Еўрапейскага Саюза.
Дзеля рэалізацыі гэтай мэты мы прымаем і абавязваемся рэалізаваць
стратэгію дэмакратычных сілаў, якая ўключае:
- адхіленне ад улады рэжыму Лукашэнкі;
- спыненне саўдзелу Беларусі ў вайне Расіі супраць Украіны і падтрымку
Украіны ў абароне сваёй незалежнасці; - вывад усіх расійскіх войскаў, у тым ліку наймітаў расійскіх ПВК, ваенных
аб’ектаў і ядзернай зброі з тэрыторыі Беларусі; - выхад Беларусі з усіх саюзаў з агрэсарам: Саюзнай дзяржавы, АДКБ і
ЕАЭС; - вызваленне кожнага і кожнай, хто знаходзіцца ў месцах пазбаўлення
волі ў Беларусі па палітычна матываваных прысудах; - усебаковую падтрымку беларускіх добраахвотніцкіх фармаванняў ва
УУкраіне і актывістаў у Беларусі; - замяшчэнне прадстаўнікоў рэжыму ў міжнародных арганізацыях
прадстаўнікамі беларускіх дэмакратычных сілаў; - перамовы аб асацыяцыі Беларусі з Еўрапейскім Саюзам;
- прыцягненне да адказнасці Лукашэнкі і іншых прадстаўнікоў рэжыму,
адказных за злачынствы супраць чалавечнасці, ваенныя злачынствы і
злачынствы агрэсіі; - выкарыстанне санкцыйнага інструменту, як аднаго з інструментаў ціску
на рэжым Лукашэнкі з мэтай абмежавання ягоных магчымасцяў для
саўдзелу ў вайне супраць Украіны на баку Расіі; - распрацоўку шэрагу рэформаў для ўстойлівага развіцця дэмакратычнай
Беларусі; - пераход дзяржаўных служачых на бок народа і падрыхтоўку кадраў
Новай Беларусі.
Мы падтрымліваем дзейнасць - нацыянальнай лідаркі Святланы Ціханоўскай як абранай прадстаўніцы
беларускага народа; - Аб’яднанага Пераходнага Кабінета як выканаўчага органа беларускіх
дэмакратычных сілаў; - Каардынацыйнай Рады, як прадстаўнічага органа дэмакратычных сілаў
і грамадзянскай супольнасці; - дэмакратычных палітычных партыяў, рухаў і грамадскіх арганізацый. А
таксама беларускіх добраахвотніцкіх фармаванняў, якія змагаюцца
супраць расійскай агрэсіі на тэрыторыі Украіны і маюць стаць ядром
беларускага нацыянальнага войска, тых, хто прымае ўдзел у плане
“Перамога” і кіберпартызанскім руху.
Мы выступаем за правядзенне ў 2024 годзе дэмакратычных выбараў
Каардынацыйнай Рады як прадстаўнічага органа беларускага народа.
Далучыўшыся да дадзенай дэкларацыі, мы ствараем шырокі рух “Новая
Беларусь” і бярэм на сябе адказнасць за дасягненне агульнай мэты.
Крыніца: Святлана Ціханоўская