Далучайцеся да Руху прама цяпер. Вось як гэта зрабіць.

#непадпарадкаванне

• Святлана Ціханоўская заявіла пра недапушчальнасць уварвання войскаў Беларусі ва Украіну і трыбунал для тых, хто выканае злачынны загад супраць волі беларускага народа.
• Добраахвотнікі батальёна Кастуся Каліноўскага прынялі прысягу і батальён увайшоў у склад узброеных сілаў Украіны.
• Беларусы разам з украінцамі вызвалілі Лук’янаўку ад расійскіх войскаў.
• Хрысціяне Украіны, Беларусі і Расіі аб’ядналіся разам супраць вайны і стварылі свой тэлеграм-канал.
• Беларускія партызаны паспяхова правялі чарговую дыверсійную аперацыю на чыгунцы пад Барысавам.
• Афіцэр запасу Яўген Вільскі звярнуўся да беларускіх вайскоўцаў з заклікам не ўдзельнічаць у вайне супраць Украіны.
• У Мінску прайшла жаночая акцыя, дзяўчаты выйшлі з парасонамі ў колерах украінскага сцяга.
• Студэнты БДМУ правялі партызанскую акцыю пратэсту.

#падтрымкаўкраінцаўібеларусаў

• Беларусы па ўсім свеце адзначалі Дзень Волі і выходзілі ў знак пратэсту вайны з Украінай. У Варшаве адбыўся маштабны мітынг з удзелам Святланы Ціханоўскай, Паўла Латушкі, чальцоў каманды Бабарыкі, дзе беларусы выйшлі з беларускімі, украінскімі сцягамі і сцягам батальёна Кастуся Каліноўскага.
• Марыя Калеснікава з калоніі павіншавала беларусаў з Днём Волі і заклікала ўсіх адстойваць незалежнасць і змагацца за мір.
• Дэлегацыя дэмакратычных сілаў Беларусі правяла візіт ва Украіну. Удзельнікі сустрэліся з украінскімі дэпутатамі, беларускімі валанцёрамі ў Львове і беларусамі Кіева.
• Група беларусаў у складзе антыаўтарытарнага аддзела кіеўскай вобласці супрацьстаіць расійскім акупантам.
• Дзяўчынка Вара з сям’і чэшскіх беларусаў адправіла на дапамогу ўкраінцам свой дрон, на які доўга збірала грошы.
• Добраахвотніцкі атрад імя Іллі «Ліцвіна» і іншыя беларусы Адэсы звярнуліся да ўсіх свабодных беларусаў.
• «Partyzanka» і Рэкрутацыйны Цэнтр у Варшаве перадалі гуманітарную дапамогу батальёну імя Каліноўскага. Дыяспары Ірландыі і Бельгіі таксама арганізавалі ўжо 3-е адпраўленне амуніцыі для батальёна.
• Акторы незалежнай тэатральнай групы «Купалаўцы» прэзентавалі новы праект у падтрымку ўкраінскіх дзеячаў культуры.
• У Польшчы створаная працоўная група пры МУС па справах беларускіх уцекачоў, заўчора адбылося іх першае паседжанне.
• Беларусы распрацавалі сервіс для пошуку бясплатнага жылля для ўкраінскіх уцекачоў.
• Мабільны шпіталь ад дэмакратычнай Беларусі і Германіі гатовы да выкарыстання ва Украіне.
• Беларускі фонд спартыўнай салідарнасці накіраваў амуніцыю для тэраабароны Кіева: 30 бронекамізэлек і 4 прыборы начнога бачання.
• Фонд BYSOL адправіў яшчэ адну машыну хуткай дапамогі і тры пікапы ва Украіну, а таксама даставіў электрычны генератар і груз медыцыны для дзіцячай бальніцы ў Чарнігаве.

#інфармацыйныфронт

• BYPOL раскрыў інфармацыю пра тое, як рэжым стварае фэйкі і спрабуе сказіць рэальнасць пра вайну.
• Лявон Вольскі і Якаб Валянштэйн выпусцілі песню «Слава Украіне». А музыка гурта «Дай дарогу» Юры Стыльскі апублікаваў кліп на песню «Праз вызваленне Украіны» і прысвяціў яго беларускім добраахвотнікам.
• Беларускі самвыдат працягвае распаўсюджваць улёткі і змагацца з прапагандай.
• Новая беларуская газета «Lamant» апублікавала ў першым выпуску артыкулы, прысвечаныя сітуацыі ва Украіне.

Кожны можа стаць чальцом Антываеннага Руху цяпер. Вось яго Маніфест.

Крыніца: Сьвятлана Ціханоўская