Сёння ў Жэневе Святлана Ціханоўская сустрэлася з дзяржсакратаркай Швейцарскай Канфедэрацыі Лівіяй Леў.
- Дзяржсакратарка Леў паведаміла, што з сённяшняга дня Швейцарыя далучыцца да санкцый ЕС, у тым ліку супраць Лукашэнкі, ягонага атачэння, вайсковых чыноўнікаў, і падтрымае санкцыі супраць банкаў, звязаных з рэжымам.
- Швейцарыя будзе фінансаваць міжнародную платформу па зборы доказаў злачынстваў рэжыму IAPB і падтрымліваць беларускіх праваабаронцаў.
- Ціханоўская падзякавала Швейцарыі за дапамогу ў вызваленні палітзняволенай Наталлі Хершэ. Дзяржсакратарка паведаміла, што вызваленне Хершэ не мела ніякіх умоваў і важна працягваць патрабаваць вызвалення ўсіх палітвязняў у Беларусі.
- Нацыянальная лідарка Беларусі папрасіла Швейцарыю ўстрымацца ад уручэння даверчых граматаў Лукашэнку. Па словах дзяржсакратаркі, амбасадарка Швейцарыі не ўручала грамат.
- Ціханоўская папрасіла Швейцарыю аказаць гуманітарную дапамогу беларусам і беларускім арганізацыям ва Украіне. Яны дамовіліся найбліжэйшым часам абмеркаваць гэтае пытанне на практычным узроўні.
- Святлана Ціханоўская і Лівія Леў таксама абмеркавалі міжнародныя механізмы па прыцягненні вінаватых у злачынствах у Беларусі да адказнасці, у тым ліку праз міжнародныя суды і інструменты ўніверсальнай юрысдыкцыі.
Крыніца: Сьвятлана Ціханоўская