Прафесійны саюз беларусаў Брытаніі паведамляе, што 23 снежня вядучы сусветны вытворца шын Pirelli Group вырашыў спыніць партнёрства з БМЗ.

Пасля некалькіх месяцаў размоў і праверкі сітуацыі з правамі супрацоўнікаў Беларускага металургічнага завода (БМЗ), вядучы сусветны вытворца шын, 23 снежня 2021 года, пацвердзіў Прафесійнаму саюзу беларусаў Вялікабрытаніі, што Pirelli Group вырашыў  «спыніць камерцыйныя зносіны з БМЗ».

Pirelli Group вырабляе шыны, таксама і для гонак Формулы-1 і з’яўляецца адным з асноўных кліентаў Belmet GmbH, аўстрыйскай даччынай кампаніі БМЗ.

Нагадаем, што ў чэрвені шведская Scandia Steel вырашыла «паступова выключыць БМЗ як пастаўшчыка і прыпыніць будучыя замовы на закупку БМЗ». У ліпені аналагічнае рашэнне прыняла кампанія Yokohama Rubber Group. Французская Michelin па-ранейшаму расследуе парушэнні правоў супрацоўнікаў на БМЗ.

Крыніца: MOTOLKO.help