«Мы не павінны даць запалохаць сябе да стану, калі мы будзем гатовыя адмовіцца ад сваёй будучыні».

Кіраўнік НАУ Павел Латушка – пра тое, як рэжым усімі даступнымі яму інструментамі прымушае беларусаў не ісці на ўчасткі для галасавання падчас «рэферэндуму»:

• Мы бачым усё новыя паведамленні пра рэпрэсіі, мы бачым, што прапаганда без стомы ачарняе беларусаў, якія хочуць пераменаў. Рэжым усімі сіламі спрабуе запалохаць нас з вамі перад «рэферэндумам».

• Пасля выбараў-2020 рэжым упершыню сутыкнуўся з праблемай фармавання камісій: людзі пад любымі падставамі адмаўляюцца ад удзелу.

• Кожны з нас вызначае, што будзе далей з краінай. Кожны з нас сваім дзеяннем можа паскорыць вяртанне свабоды і закона ў краіну.

• Мы прыйдзем на выбарчыя ўчасткі на «рэферэндуме», паставім крыжыкі насупраць усіх варыянтаў у бюлетэні – гэта значыць зробім бюлетэні несапраўднымі. Гэта будзе наш агульны ўклад у будучыню Новай Беларусі.

• Крыжыкі ў бюлетэнях – гэта толькі частка плана дзеянняў на «рэферэндум» Лукашэнкі. Агульнае дзеянне дапаможа нам зноў убачыць адзін аднаго і разам масава перайсці да наступных крокаў. Далейшыя дэталі плана мы раскрыем бліжэй да дня «рэферэндуму».

Крыніца: НАУ