Народныя амбасады Беларусі

Мінулыя Прэзідэнцкія выбары 9 жніўня 2020 года ў Беларусі ня былі ні сумленнымі, ні справядлівымі, большасць дэмакратычных краін сьвету абвясціла пра непрызнаньне Лукашэнкі легітымным прэзідэнтам Рэспублікі Беларусь. МЗС і амбасады Рэспублікі Беларусь праводзяць палітыку ў інтарэсах злачыннага рэжыму й ня могуць прадстаўляць інтарэсы беларусаў за мяжой. 

Шмат якія функцыі амбасады – інфармаваньне грамадскасьці пра сітуацыю ў Беларусі, дапамога суграмадзянам, змушаным пакінуць краіну, абарону інтарэсаў Беларусі ў міжнародных арганізацыях і палітычных ворганах краіны, арганізацыю візітаў, падтрыманьне сувязяў з вольным народам Беларусі – фактычна ўзялі на сябе дыяспары. Для працягу й пашырэньня гэтай працы беларусы замежжа рэалізуюць праект «Народныя амбасады».

Мэта

Стварэньне на базе дыяспар і ініцыятыў беларусаў замежжа Народнай амбасады, для  абароны правоў беларусаў за мяжой, абароны інтарэсаў дэмакратычнай Беларусі і выкананьне шэрага функцый афіцыйных амбасад.

Галоўныя задачы й функцыі народнай амбасады:

  1. Прадстаўніцтва дэмакратычнай Беларусі за мяжой, забеспячэньне яе інтарэсаў.
  2. Інфармаваньне дзяржаўных ворганаў і шырокай грамадскасьці краіны пра сітуацыю ў Беларусі 
  3. Наладжваньне й падтрыманьне кантактаў з дзяржаўнымі ворганамі, грамадскімі з’яднаньнямі, прафзьвязамі, дзелавымі, навуковымі і культурнымі коламі, атрыманьне і перадача інфармацыі ворганам і арганізацыям.
  4. Дапамога суграмадзянам, змушаным пакінуць Беларусь (адаптацыя ў краіне, інфармацыя пра фонды дапамогі, тэрміновая матэрыяльная падтрымка).

Арганізацыйная структура і дзейнасць могуць адрозьнівацца ў кожнай краіне ў залежнасці ад рэсурсаў дыяспары: ад інфармацыйнага пункта, што існуе online, да паўнавартага прадстаўніцтва з памяшканьнем і шырокім шэрагам заданняў. 

Праект стварэньня Народных амбасад на базе дыяспар ухвалены нацыянальным лідарам Беларусі Сьвятланай Ціханоўскай, Каардынацыйнай радай і Народным антыкрызісным кіраваньнем. 

Дакуманты: 

    • Дэклярацыя Народных амбасад

    • Палажэнне пра Народныя амбасады Беларусі.